Мадриднинг “Реал” клуби Карим Бензема ўрнига икки нафар ҳужумчи вариантини кўриб чиқмоқда, дея хабар беради Radioestadio Noche.
“Қироллик клуби”нинг шорт-листида австриялик “РБ Залцбург” ҳужумчиси Бенямин Шешко ва Франциянинг “Ницца” клуби ҳужумчиси Амин Гири бор. Бу футболчилардан бири жорий трансфер ойнасида "Сантяго Бернабеу"га ўтиши мумкин.
Бензема мадридликлар сафида 2009 йилнинг ёзидан бери ўйнаб келмоқда. 34 ёшли франциялик футболчининг шартномаси 2022/2023 йилги мавсум якунига қадар тузилган.
Карим ўтган мавсумда Ла Лигада 32 ўйинда 27 гол урди ва 12 голга ассистентлик қилди.