"Vulverxempton" rahbariyati yarim himoyachi Ruben Nevesh jamoada qolishiga ishonmoqda, deb xabar beradi Sky Sports.
Klub 25 yoshli portugaliyalik futbolchi bilan "Manchester Yunayted" qiziqish bildirayotgani sababli yangi shartnoma imzolamoqchi. Ehtimol, futbolchi va "bo‘rilar" o‘rtasidagi yangi kelishuvda Chempionlar ligasida o‘ynaydigan klubdan taklif tushgan taqdirda futbolchining ketishiga imkon beruvchi band bo‘lishi mumkin.
Neveshning o‘zi hali "Vulverxempton"ni tark etish niyatida emas. Yarim himoyachi 2022 yilgi jahon chempionatida Portugaliya terma jamoasi qaydnomasiga kirish uchun barqaror o‘yin amaliyotiga ega bo‘lishni istamoqda.
O‘tgan mavsumda Nevesh "bo‘rilar" safida 36 ta o‘yinda 4 ta gol urdi va 2 ta golli uzatmani amalga oshirdi. Transfermarkt.com portali futbolchining narxini 40 million yevroga baholamoqda, futbolchi bilan shartnoma 2024-yilning iyuni oxirigacha tuzilgan.