"Вулверхэмптон" раҳбарияти ярим ҳимоячи Рубен Невеш жамоада қолишига ишонмоқда, деб хабар беради Sky Sports.
Клуб 25 ёшли португалиялик футболчи билан "Манчестер Юнайтед" қизиқиш билдираётгани сабабли янги шартнома имзоламоқчи. Эҳтимол, футболчи ва "бўрилар" ўртасидаги янги келишувда Чемпионлар лигасида ўйнайдиган клубдан таклиф тушган тақдирда футболчининг кетишига имкон берувчи банд бўлиши мумкин.
Невешнинг ўзи ҳали "Вулверхэмптон"ни тарк этиш ниятида эмас. Ярим ҳимоячи 2022 йилги жаҳон чемпионатида Португалия терма жамоаси қайдномасига кириш учун барқарор ўйин амалиётига эга бўлишни истамоқда.
Ўтган мавсумда Невеш "бўрилар" сафида 36 та ўйинда 4 та гол урди ва 2 та голли узатмани амалга оширди. Transfermarkt.com портали футболчининг нархини 40 миллион еврога баҳоламоқда, футболчи билан шартнома 2024-йилнинг июни охиригача тузилган.
