Himoyachi Sezar Aspilikueta "Chelsi" bilan shartnomasini uzaytirish haqida fikr bildirdi.
Eslatib o‘tamiz, 4 avgust kuni "ko‘klar" ispaniyalik futbolchi bilan ikki yillik yangi shartnoma imzolaganini e’lon qilgan edi.
"Men janob Todd va janob Bexdadga ushbu ajoyib jamoa bilan sayohatimni davom ettirish imkoniyatini bergani uchun minnatdorchilik bildirmoqchiman", - dedi Aspilikueta londonliklarning rasmiy saytiga.
Futbolchi, shuningdek, o‘zi ham yangi sarguzashtni davom ettirishni intiqlik bilan kutayotganini va “aristokratlar” bilan ko‘plab yaxshi xotiralarni baham ko‘rish imkoniyatidan g‘ururlanayotganini ta’kidladi.
32 yoshli himoyachi o‘tgan mavsumda barcha turnirlarda 47 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Sezar 2012 yildan beri "Stemford Bridj"da o‘ynab kelmoqda.
