"Aristokratlar" yoz davomida bir qancha futbolchilarni olib kelishga harakat qildi. Ammo "Chelsi" nishonlari Ispaniyada "Barselona" tomonidan ham ko‘zlab qo‘yilgandi. Shu sabab Tomas Tuxelning Rafinya hamda Kunde bilan bog‘liq rejalari amalga oshmay qoldi. Shunga qaramay, hali vaqt bor. Variantlar ham yetarlicha. Ayni damda esa shunday futbolchilardan biri "Chelsi" yo‘lini to‘sdi. U esa "Barselona" hujumchisi Obameyangdir.
Pyer-Emerik Obameyang birb paytlar Tuxel bilan birga ishlagan. O‘shanda ular "Borussiya Dortmund"da edi. Shuningdek, London faxri deya e’tirof etiluvchi klub "Leypsig" bilan Benjamin Sheshko borasida ham jiddiy muzokaralarga kirgani aytiladi. Sheshko "MYU" radarida turganidan esa hammaning xabari bor(dir). Shuningdek, yana bir "qizil iblislar"ning umidi bo‘lgan transfer, Frenki De Yong – "Chelsi"ning domiga tushib qolgan. Ayrim manbalarda "Barselona" De Yongni "Chelsi"ga 72 million funt evaziga sotishga rozi bo‘lgani aytiladi. Shunday ekan, niderlandiyalik yarim himoyachi Karni Chukvuemeka (20 million funt) bilan birga "Chelsi" yarim himoyasini to‘ldirishi mumkin. Nabodo, "Chelsi" bu imkoniyatni qo‘ldan boy bergudek bo‘lsa, u holda "Inter" tarbiyalanuvchisi Chezare Kazadei ikkinchi variantdir. 19 yoshli yarim himoyachi hozirda 17 millionga baholanmoqda. U uchun "Chelsi" avvalroq 6,7 million funt taklif qilgandi. Ammo "Inter" buni darhol rad etgan.
"Chelsi"ning himoyada ham o‘ziga yarasha rejalari bor. Xususan, yaqindagina e’lon qilingan Mark Kukurelya transferi o‘sha rejaning bir qismi hisoblanadi. Yosh ispan futbolchisi 55 million funtga baholangan. Tomas Tuxel esa qanot himoyasi borasida tinchilangach, endi markaziy mudofaani o‘ylamoqda. Bu borada "Lester Siti" bilan muzokaralar davom etmoqda. "Chelsi" "tulkilar"ning fransiyalik himoyachisi Vesley Fofana uchun kurashmoqda. Ammo bu ish oson bo‘lmaydi. Chunki Fofana 85 million funtlik narxga ega. Fofanadan tashqari "Leypsig"dan Yoshko Gvardiol xarid qilinishi ham mumkin. Londonliklar Gvardiol uchun Timo Vernerni qaytarib berishni taklif qilmoqda.
Himoya uchun so‘nggi variant sifatida "Inter" rayt-beki Denzel Dyumfris qayd etiladi. Ammo milanliklar o‘z futbolchisini osonlikcha qo‘yib yubormaydi. Ular Dyumfrisga 30 million funt so‘ramoqda. Agarda Dyumfris xarid qilinsa, qanotdagi Jeyms markaziy himoyaga ko‘chib o‘tadi.
Hujumga tayanch uchun ham rejalar yo‘q emas. Tuxel qanotlarga "Sautgempton"dan Kayl Uolker-Piters hamda "Real" futbolchisi Markos Alonsoni olib kelishi mumkin. Mana shunday holatda quyidagicha yangi tarkib vujudga keladi:
Darvozada: Eduar Mendi
Himoyada: Gvardiol (Kukurelya), Kulibali, Jeyms (Fofana)
Tayanchda: Kazadei (Chukvuemeka), De Yong
Yarim himoyada: Uolker-Piters (Chilvell), Dyumfris (Jeyms)
Hujumda: Sterling, Sesko (Obameyang), Mount.
ISMATOV J.
