"Vest Xem" "Byornli"dan Maksvell Korneni sotib olganini e’lon qildi. Tomonlar yana bir yilga uzaytirish imkoniyati bilan besh yillik shartnoma imzoladilar.
Oldinroq "Vest Xem" bosh murabbiyi Devid Moyes rahbariyatdan 25 yoshli fransiyalik futbolchini sotib olishni so‘ragani xabar qilingandi.
Korne 2021 yilning yozida "Lion"dan "Byornli"ga ko‘chib o‘tgandi. O‘tgan mavsumda u jamoa safida barcha musobaqalarda 28 o‘yinda 9 gol urdi va 2 golga assistentlik qildi.
Transfermarkt.com portali futbolchining narxini 15 million yevroga baholamoqda.