"Вест Хем" "Бёрнли"дан Максвелл Корнени сотиб олганини эълон қилди. Томонлар яна бир йилга узайтириш имконияти билан беш йиллик шартнома имзоладилар.
Олдинроқ "Вест Хэм" бош мураббийи Девид Мойес раҳбариятдан 25 ёшли франциялик футболчини сотиб олишни сўрагани хабар қилинганди.
Корне 2021 йилнинг ёзида "Лион"дан "Бёрнли"га кўчиб ўтганди. Ўтган мавсумда у жамоа сафида барча мусобақаларда 28 ўйинда 9 гол урди ва 2 голга ассистентлик қилди.
Transfermarkt.com портали футболчининг нархини 15 миллион еврога баҳоламоқда.