Yarim himoyachi Jorjinyo Veynaldum faoliyatini “Roma”da davom ettiradi. Rim klubi futbolchini ijaraga oldi, deya xabar beradi klub sayti.
Shartnomada futbolchini kelasi yozda sotib olish imkoniyati ham ko‘zda tutilgan.
Oldinroq 31 yoshli niderlandiyalikning ijarasi rimliklarga 5 million yevroga tushishi haqida xabarlar tarqalgan edi.
O‘tgan mavsumda Veynaldum "PSJ" safida barcha turnirlarda 38 o‘yinda 3 ta gol urdi va 3 ta golli uzatmani amalga oshirdi.