Vengriya terma jamoasi va Istanbulning “Fenerbaxche” klubi himoyachisi Attila Salai faoliyatini Angliya premyer-ligasida davom ettirish imkoniyatiga ega. Bu haqda jurnalist Nikolo Skira ma’lum qildi.
Jurnalistning fikricha, "bolg‘achilar" rahbariyati Sankt-Peterburgning "Zenit" klubi ham da’vo qilayotgan futbolchini transfer qilish bo‘yicha taklif bilan chiqishga tayyor.
Vengriyalik himoyachi 2021 yildan buyon Istanbul jamoasida o‘ynab kelmoqda. Uning klub bilan shartnomasi 2025 yilning yoziga qadar mo‘ljallangan. O‘tgan mavsumda Salay 42 ta o‘yin o‘tkazib, 1 ta gol va 2 ta golli uzatmani amalga oshirgan.
