Венгрия терма жамоаси ва Истанбулнинг “Фенербахче” клуби ҳимоячиси Аттила Салаи фаолиятини Англия премьер-лигасида давом эттириш имкониятига эга. Бу ҳақда журналист Николо Скира маълум қилди.

Журналистнинг фикрича, "болғачилар" раҳбарияти Санкт-Петербургнинг "Зенит" клуби ҳам даъво қилаётган футболчини трансфер қилиш бўйича таклиф билан чиқишга тайёр.

Венгриялик ҳимоячи 2021 йилдан буён Истанбул жамоасида ўйнаб келмоқда. Унинг клуб билан шартномаси 2025 йилнинг ёзига қадар мўлжалланган. Ўтган мавсумда Салай 42 та ўйин ўтказиб, 1 та гол ва 2 та голли узатмани амалга оширган.