“Lester” “Chelsi”ning himoyachi Uesli Fofana borasidagi takliflarini rad etishda davom etmoqda. Jurnalist Fabrisio Romanoning so‘zlariga ko‘ra, “tulkilar” kecha tunda fransiyalik futbolchini 83 million yevrodan ko‘proqqa sotishdan bosh tortgan.
Biroq manbaning ta’kidlashicha, "Chelsi" futbolchi uchun kurashdan voz kechmoqchi emas. Fofananing o‘zi allaqachon "Lester" rahbariyatiga Tomas Tuxel jamoasiga o‘tish istagini bildirgan.
"Chelsi" yaqin orada yangi transfer taklifi bilan chiqadi. Qayd etilishicha, “Lester” 100 million yevro olmoqchi.