"Sevilya" bosh murabbiyi Xulen Lopetegi himoyachi Aleks Tellesning "Kadis"ga qarshi o‘rtoqlik uchrashuvida (1:0) debyuti haqida fikr bildirdi.
"Telles endigina keldi, u Manchesterdagi mavsumoldi jarayonida ko‘p o‘ynadi, shuning uchun biz uni ikkinchi bo‘limda o‘ynashga ruxsat berishga qaror qildik. Aleks o‘zini yaxshi his qilmoqda va maydonga tushishga tayyor", - deya Lopetegining so‘zlarini keltiradi Marca.
Telles avgust oyi boshida "Manchester Yunayted"dan ijara asosida "Sevilya"ga o‘tgandi. 29 yoshli braziliyalik o‘tgan mavsumda barcha turnirlarda 26 o‘yinda 1 gol urdi va 4 golga assistentlik qildi.
