"Manchester Yunayted" muxlislari yana klub xo‘jayinlariga qarshi chiqishdi.
Bir guruh tarafdorlar "Brayton"ga qarshi o‘yin oldidan banner ko‘tarib, Gleyzerlar oilasini klubni sotishga chaqirishdi. Norozi muxlislar “Old Trafford” sari yurishib, klub do‘konini o‘yin boshlanishiga bir soat qolganda yopishga majbur qilishdi.
Muxlislar “Ochko‘zlikka qarshi kurash – “Yunayted” uchun kurash – Gleyzerlarga qarshi kurash” degan bannerni ko‘tarib, “Biz Gleyzerlarning ketishini xohlaymiz! Biz Gleyzerlarning ketishini xohlaymiz!", - deya baqirishgan.
Eslatib o‘tamiz, Gleyzerlar 2005 yildan beri "Manchester Yunayted"ga egalik qiladi.
