"Манчестер Юнайтед" мухлислари яна клуб хўжайинларига қарши чиқишди.

Бир гуруҳ тарафдорлар "Брайтон"га қарши ўйин олдидан баннер кўтариб, Глейзерлар оиласини клубни сотишга чақиришди. Норози мухлислар “Олд Траффорд” сари юришиб, клуб дўконини ўйин бошланишига бир соат қолганда ёпишга мажбур қилишди.

Мухлислар “Очкўзликка қарши кураш – “Юнайтед” учун кураш – Глейзерларга қарши кураш” деган баннерни кўтариб, “Биз Глейзерларнинг кетишини хоҳлаймиз! Биз Глейзерларнинг кетишини хоҳлаймиз!", - дея бақиришган.

Эслатиб ўтамиз, Глейзерлар 2005 йилдан бери "Манчестер Юнайтед"га эгалик қилади.