"Brayton" hujumchisi Denni Uelbek BBC Radio 5 Live radoisining jonli efirida o‘z jamoasining "Manchester Yunayted" ustidan qozonilgan g‘alabasi haqida fikr bildirdi.

"Bu mavsumning ajoyib boshlanishi bo‘ldi, "Old Trafford"da uch ochkoni qo‘lga kiritish albatta yoqimli. Bu g‘alaba qozonish juda qiyin stadion, lekin o‘ylaymanki, bugun o‘yinimiz ajoyib bo‘ldi va uch ochkoga loyiq edik. Hammamiz xursandmiz.

Biz birinchi bo‘limda ajoyib o‘ynadik va ularga juda ko‘p muammolar tug‘dirdik, ammo "Yunayted" ikkinchi bo‘limda javob qaytarishi muqarrar edi. Albatta, burchak to‘pidan keyin gol o‘tkazib yuborganimizdan hafsalamiz pir bo‘ldi. Ammo biz o‘yinni oxirigacha yaxshi o‘ynadik va hammamiz yettinchi osmonda edik.

Biz bir necha oy oldin "Manchester Yunayted"ni mag‘lub etgandik, ammo jamoa sifatida biz o‘sib bormoqdamiz va rivojlanyapmiz, bizda katta tajriba bor va bugun biz o‘z o‘yinimizda yetuklikni ko‘rsatdik. Biz klub sifatida rivojlanishga intilamiz, biz o‘samiz va faqat yaxshilanamiz" - dedi Uelbek.