"Yuventus" "Ayntraxt" yarim himoyachisi Filipp Kostichning transferi ustida ishlamoqda.
Jurnalist Janluka Di Marsioning xabar berishicha, italyan klubi ertaga qanot hujumchisi bilan shartnomani yakunlamoqchi.
Frankfurtning “Ayntraxt” klubining bu boradagi pozisiyasi hozircha aniq emas – ehtimol klub chorshanba kuni bo‘lib o‘tadigan “Real Madrid”ga qarshi Yevropa Superkubogi o‘yinidan so‘ng Kostich transferini rasmiylashtirmoqchi bo‘lishi mumkin.
Fabrisio Romano xabariga ko‘rach italyan klubi va 29 yoshli futbolchi o‘rtasidagi shaxsiy shartnoma shartlari allaqachon kelishib olingan.
Qayd etilishicha, "Ayntraxt" Kostich uchun "Yuventus"dan kamida 15 million yevro olmoqchi.
Joriy mavsumda Filipp “Ayntraxt” safida ikkita rasmiy o‘yin o‘tkazdi – Germaniya kubogida “Magdeburg” (4:0) va Bundesligada “Bavariya” (1:6) bilan. Uning hisobida bitta golli uzatma bor.
