"Ювентус" "Айнтрахт" ярим ҳимоячиси Филипп Костичнинг трансфери устида ишламоқда.
Журналист Жанлука Ди Марционинг хабар беришича, итальян клуби эртага қанот ҳужумчиси билан шартномани якунламоқчи.
Франкфуртнинг “Айнтрахт” клубининг бу борадаги позицияси ҳозирча аниқ эмас – эҳтимол клуб чоршанба куни бўлиб ўтадиган “Реал Мадрид”га қарши Европа Суперкубоги ўйинидан сўнг Костич трансферини расмийлаштирмоқчи бўлиши мумкин.
Фабрицио Романо хабарига кўрач итальян клуби ва 29 ёшли футболчи ўртасидаги шахсий шартнома шартлари аллақачон келишиб олинган.
Қайд этилишича, "Айнтрахт" Костич учун "Ювентус"дан камида 15 миллион евро олмоқчи.
Жорий мавсумда Филипп “Айнтрахт” сафида иккита расмий ўйин ўтказди – Германия кубогида “Магдебург” (4:0) ва Бундеслигада “Бавария” (1:6) билан. Унинг ҳисобида битта голли узатма бор.
