"Leypsig" chap qanot himoyachisi Anxelinyo faoliyatini "Xoffenxaym"da davom ettiradi, deya xabar berdi jurnalist-insayder Fabrisio Romano.
Manbaga ko‘ra, futbolchi bugun yangi klubi uchun muvaffaqiyatli tibbiy ko‘rikdan o‘tdi. Endi esa u "Xoffenxaym" bilan rasmiy shartnoma imzolaydi va bu haqida e’lon qilinadi.
25 yoshli ispan "Deportivo" tarbiyalanuvchisi hisoblanadi. U 2013 yilda "Manchester Siti" yoshlar jamoasi safiga borib qo‘shilgan. Himoyachi 2021 yilning iyulda "buqalar" tarkibiga aynan "shaharliklar"dan kelib qo‘shilgan. Transfer summasi 18 million yevroni tashkil qilgan.