"Лейпциг" чап қанот ҳимоячиси Анхелиньо фаолиятини "Хоффенхайм"да давом эттиради, дея хабар берди журналист-инсайдер Фабрицио Романо.

Манбага кўра, футболчи бугун янги клуби учун муваффақиятли тиббий кўрикдан ўтди. Энди эса у "Хоффенхайм" билан расмий шартнома имзолайди ва бу ҳақида эълон қилинади.

25 ёшли испан "Депортиво" тарбияланувчиси ҳисобланади. У 2013 йилда "Манчестер Сити" ёшлар жамоаси сафига бориб қўшилган. Ҳимоячи 2021 йилнинг июльда "буқалар" таркибига айнан "шаҳарликлар"дан келиб қўшилган. Трансфер суммаси 18 миллион еврони ташкил қилган.