Voqealar rivoji dahshat. Endi "Barselona" Frenki De Yongga xat jo‘natibdi, unda klub va futbolchi o‘rtasidagi joriy kelishuv qonunga nomuvofiq tuzilganini hamda bekor qilinishi kerakligini yozibdi. Aks holda klub vaziyatni sud orqali hal qilar ekan va o‘sha kelishuvda ishtirok etgan tomonlarni jazoga tortishi mumkin ekan.

Ya’ni, gap klub Frenki de Yongning maoshini ikki yil kamroq to‘lab, oxirgi yillarda qo‘shib berilishi haqidagi kelishuv haqida gap bormoqda. U holda, ya’ni bu kelishuv bekor qilinib, dastlabki shartnomaga qaytilsa, o‘rtada yo‘qolib qolgan 19 million yevro nima bo‘ladi? Klubning pozisiyasi shundayki - "o‘sha kelishuv noqonuniy, xohlasak, buni sudda ham isbotlay olamiz va eski rahbariyatni, agentni, seni jazoga tortamiz. Bu kelishuvdan voz kechish va dastlabki, shartnomaga ko‘ra maoshingni olib yuraver". Zo‘r-a?

Tushunmaganim, agar o‘sha kelishuv bekor qilinsa, dastlabki shartnomaga ko‘ra klub o‘tgan yillardagi maoshning De Yongga berilmagan qismiga qarzdor bo‘lib qolmaydimi?  

Bu taklif (kelishuvni bekor qilish) klub tomondan chiqqaniga qaraganda, qarzdor bo‘lib qolmaydi, shunchaki, De Yongga agar sudlashmoqchi bo‘lsang, u kelishuv noqonuniy tuzilgan, o‘zing jazolanib qolasan, deb qo‘rqitib qo‘ymoqchidek.

Qahramon Aslanov.