Dortmundning "Borussiya" klubi "Chelsi" hujumchisi Kallum Xadson-Odoi uchun kurashga kirishdi, deb xabar beradi Bild.
Xadson-Odoi "Chelsi"ning "Everton"ga qarshi (0:1) APL 1-turi uchun qaydnomasiga kiritilmadi. O‘yin yakunlanganidan ko‘p o‘tmay, Kallum muntazam o‘yin amaliyoti uchun klubdan qo‘yib yuborishni so‘ragani ma’lum bo‘ldi.
"Sautgempton" allaqachon Xadson-Odoi uchun ijara taklifi bilan chiqqan, shuningdek 21 yoshli ingliz futbolchisiga "Lester" ham qiziqish bildirmoqda.
Xadson-Odoi o‘tgan mavsumda barcha musobaqalarda 28 ta o‘yinda maydonga tushib, 3 ta gol urdi va 6 ta golga assistentlik qildi. Transfermarkt portali futbolchini 25 million yevroga baholamoqda.