Дортмунднинг "Боруссия" клуби "Челси" ҳужумчиси Каллум Хадсон-Одои учун курашга киришди, деб хабар беради Bild.
Хадсон-Одои "Челси"нинг "Эвертон"га қарши (0:1) АПЛ 1-тури учун қайдномасига киритилмади. Ўйин якунланганидан кўп ўтмай, Каллум мунтазам ўйин амалиёти учун клубдан қўйиб юборишни сўрагани маълум бўлди.
"Саутгемптон" аллақачон Хадсон-Одои учун ижара таклифи билан чиққан, шунингдек 21 ёшли инглиз футболчисига "Лестер" ҳам қизиқиш билдирмоқда.
Хадсон-Одои ўтган мавсумда барча мусобақаларда 28 та ўйинда майдонга тушиб, 3 та гол урди ва 6 та голга ассистентлик қилди. Transfermarkt портали футболчини 25 миллион еврога баҳоламоқда.