"Boka Xuniors" rasmiy saytida "Manchester Yunayted" va Argentina terma jamoasining sobiq darvozaboni Serxio Romero bilan shartnoma imzolaganini e’lon qildi. Yangi jamoa uchun darvozabon 35-raqamda o‘ynaydi.
Avvalroq, 35 yoshli argentinalik futbolchi bilan 2024 yilning dekabrigacha shartnoma imzolashi ma’lum bo‘lgandi.
Romeroning so‘nggi klubi "Venesiya" bo‘lib, u 2021 yilning 12 oktyabridan 2022 yilning 1 iyuligacha o‘ynagan. U o‘tgan mavsum A Seriyaning 16 o‘yinida 33 ta gol o‘tkazib yubordi.