"Бока Хуниорс" расмий сайтида "Манчестер Юнайтед" ва Аргентина терма жамоасининг собиқ дарвозабони Серхио Ромеро билан шартнома имзолаганини эълон қилди. Янги жамоа учун дарвозабон 35-рақамда ўйнайди.
Аввалроқ, 35 ёшли аргентиналик футболчи билан 2024 йилнинг декабригача шартнома имзолаши маълум бўлганди.
Ромеронинг сўнгги клуби "Венеция" бўлиб, у 2021 йилнинг 12 октябридан 2022 йилнинг 1 июлигача ўйнаган. У ўтган мавсум А Сериянинг 16 ўйинида 33 та гол ўтказиб юборди.