"Barselona" hujumchisi Memfis Depay "Yuventus" bilan muzokaralarni davom ettirmoqda, deya xabar beradi jurnalist Fabrisio Romano.
Futbolchiga da’vogarlar orasida Italiya klubi yetakchilik qilmoqda. Turinliklar forvardga 2 yillik shartnoma taklif qilmoqda, biroq dastavval Memfis kataloniyaliklar bilan shartnomani bekor qilishga rozi bo‘lishi kerak.
Romano, shuningdek, "Tottenxem" futbolchiga qiziqish bildirayotgan klublar orasida ekanligini inkor etadi.
Depay o‘tgan yozda "Lion"dan erkin agent maqomida "Barselona"ga o‘tgandi. U 36 uchrashuvda 13 ta gol urdi va 2 ta golli uzatmani amalga oshirdi.