"Барселона" ҳужумчиси Мемфис Депай "Ювентус" билан музокараларни давом эттирмоқда, дея хабар беради журналист Фабрицио Романо.
Футболчига даъвогарлар орасида Италия клуби етакчилик қилмоқда. Туринликлар форвардга 2 йиллик шартнома таклиф қилмоқда, бироқ даставвал Мемфис каталонияликлар билан шартномани бекор қилишга рози бўлиши керак.
Романо, шунингдек, "Тоттенхэм" футболчига қизиқиш билдираётган клублар орасида эканлигини инкор этади.
Депай ўтган ёзда "Лион"дан эркин агент мақомида "Барселона"га ўтганди. У 36 учрашувда 13 та гол урди ва 2 та голли узатмани амалга оширди.
