"Manchester Yunayted" "Betis"ning argentinalik yarim himoyachisi Gido Rodrigesga qiziqish bildirmoqda, deb xabar beradi AS.
Manbaga ko‘ra, ingliz klubi yozgi transfer oynasida futbolchini sotib olishi mumkin. Mankunianliklar agar "Yuventus" yarim himoyachisi Adriyen Rabyoni sotib ololmasalar, argentinalik futbolchini zaxira varianti sifatida ko‘rishmoqda.
28 yoshli Rodriges o‘tgan mavsumda “Betis” safida barcha turnirlarda 47 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.