"Манчестер Юнайтед" "Бетис"нинг аргентиналик ярим ҳимоячиси Гидо Родригесга қизиқиш билдирмоқда, деб хабар беради AS.
Манбага кўра, инглиз клуби ёзги трансфер ойнасида футболчини сотиб олиши мумкин. Манкунианликлар агар "Ювентус" ярим ҳимоячиси Адриен Рабьони сотиб ололмасалар, аргентиналик футболчини захира варианти сифатида кўришмоқда.
28 ёшли Родригес ўтган мавсумда “Бетис” сафида барча турнирларда 47 та ўйинда майдонга тушиб, 2 та гол урди ва 3 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.