"Everton" bosh murabbiyi Frenk Lempard "Liverpul" ustozi Yurgen Kloppni maqtadi. Lempard germaniyalik murabbiyga "mersisaydliklar" tarkibida qilgan ishlari uchun hurmat bajo keltirdi.
"Liverpul" ko‘p yillar davomida hech narsa yutmadi, biroq vaqti kelib nimadir o‘zgardi va Klopp tufayli ular sovrinlarni yuta boshladilar" - dedi Lempard High Performance bilan suhbatda.
Klopp 2015 yilning oktyabridan beri “Liverpul”ni boshqarib kelmoqda. Nemis mutaxassisi jamoani uch marta Chempionlar ligasi finaliga olib chiqqan bo‘lsa-da, faqat bir marta hal qiluvchi bahsda g‘alaba qozona oldi. Shuningdek, Klopp "mersisaydliklar"ga 30 yil ichida birinchi marta Premyer-liga chempionligini qo‘lga kiritishda yordam berdi.
