"Real Madrid" yarim himoyachisi Kazemiro UEFA Superkubogi uchun Frankfurtning "Ayntraxt"iga (2:0) qarshi o‘yinning eng yaxshi futbolchisi deb topildi. Bu haqda UEFA matbuot xizmati xabar berdi.
Braziliyalik futbolchi "qaymoqranglilar"ning birinchi golida ishtirok etib, himoyachi David Alabaga golli pas berdi.
"Real Madrid" 5-marta UEFA Superkubogini qo‘lga kiritdi va bu ko‘rsatkich bo‘yicha "Milan" va "Barselona"ga yetib oldi.