Coca-Cola Superligasi 15-turidan o‘rin olgan “Bunyodkor” – “Qizilqum” (1:2) uchrashuvi so‘ng mezbonlar ustozi Viktor Karpenko o‘z fikrlari bilan o‘rtoqlashdi.

- O‘yin qiziq kechdi. Ikkala jamoa darvozasi oldida ham hujumlar ko‘p bo‘ldi. Muxlislarimizga oxirgi daqiqagacha bizni qo‘llab-quvvatlab turganliklari uchun rahmat deb qolaman. Yigitlar ham so‘nggi soniyalargacha vaziyatni o‘nglash uchun mehnat qilishdi. Bugun ijrochilarning mahorati borasida “Qizilqum” ustunlik qildi.

“Qizilqum” kuchli o‘yinchilarga ega bo‘lgan tajribali jamoa. Biz o‘yinni boshqardik. Ammo yo‘l qo‘yilgan xato golga olib keldi. Darvozamiz oldida vaziyatlar unchalik ham ko‘p bo‘lmadi, to‘pni biz nazorat qildik. Har safar o‘zimizga o‘zimiz gol olib kelyapmiz. Bugun ham ikkala golda to‘pni o‘zimiz oldirdik. Ikki to‘p farqini esa yo‘qqa chiqarish qiyin bo‘ldi.