"Real"ning yangi futbolchisi Orelyen Tchuameni jahon chempionatida o‘ynashni kutayotganini tan oldi. Ushbu yozda 22 yoshli fransiyalik futbolchi "Monako"dan Madrid klubiga o‘tdi.
"Futbol xavf-xatarlarga to‘la, men osonroq yo‘lni bosib, boshqa klubga o‘tishim mumkin edi, ammo "Real" sizga taklif bilan chiqqanda, yo‘q deyish qiyin. Men ishlashim kerak va umid qilamanki, jahon chempionatiga borish uchun imkon qadar ko‘proq o‘yin o‘tkaza olaman”, - deya Tchuamenining so‘zlarini keltiradi Canal+.
Qatardagi jahon chempionati 2022 yilning 21 noyabridan 18 dekabriga qadar bo‘lib o‘tadi. Fransiya D guruhida Daniya, Avstraliya va Tunis bilan o‘ynaydi.
