"Реал"нинг янги футболчиси Орельен Тчуамени жаҳон чемпионатида ўйнашни кутаётганини тан олди. Ушбу ёзда 22 ёшли франциялик футболчи "Монако"дан Мадрид клубига ўтди.
"Футбол хавф-хатарларга тўла, мен осонроқ йўлни босиб, бошқа клубга ўтишим мумкин эди, аммо "Реал" сизга таклиф билан чиққанда, йўқ дейиш қийин. Мен ишлашим керак ва умид қиламанки, жаҳон чемпионатига бориш учун имкон қадар кўпроқ ўйин ўтказа оламан”, - дея Тчуаменининг сўзларини келтиради Canal+.
Қатардаги жаҳон чемпионати 2022 йилнинг 21 ноябридан 18 декабрига қадар бўлиб ўтади. Франция D гуруҳида Дания, Австралия ва Тунис билан ўйнайди.
