"Vulverxempton" yarim himoyachisi Adama Traore transfer oynasi tugaguniga qadar o‘z klubini o‘zgartirmoqchi. Jurnalist Grem Beylining yozishicha, futbolchini Londonning ikki klubi “Chelsi” va “Tottenxem” kuzatib bormoqda.
Ikkala jamoa ham Traoreni o‘ng qanot himoyachisi pozisiyasini yopa oladigan futbolchi sifatida ko‘radi. Eslatib o‘tamiz, "Chelsi" va "Tottenxem" uchta himoyachi sxemasida o‘ynashadi.
Traorening o‘zi o‘tgan mavsumning ikkinchi yarmini kataloniyalik "Barselona"da ijarada o‘tkazdi va Ispaniya chempionatining 11 o‘yinida ikkita golli uzatmani amalga oshirdi.