Jurnalist Fabrisio Romanoning xabar berishicha, "Torino" "Ayaks" himoyachisi Perr Sxyurs bilan shaxsiy shartlarni kelishib oldi.

Manbaga ko‘ra, klublar o‘rtasidagi muzokaralar hamon davom etmoqda. Jamoa rahbariyati 22 yoshli futbolchining transferini taxminan 9 million yevro va qo‘shimcha bonuslar evaziga kelishib olishi mumkin. Himoyachining o‘zi Italiya klubiga o‘tmoqchi.

Sxyurs o‘tgan mavsumda "Ayaks" safida barcha turnirlar doirasida 30 ta o‘yinda maydonga tushib, 2 ta golli uzatmani amalga oshirgan. Niderlandiyalik himoyachining klub bilan shartnomasi 2025 yilning 30 iyuniga qadar mo‘ljallangan.

2022/23 yilgi mavsumda Sxyurs "Ayaks" tarkibida ikkita o‘yin o‘tkazgan. Transfermarkt portali futbolchini 7 million yevroga baholamoqda.