Журналист Фабрицио Романонинг хабар беришича, "Торино" "Аякс" ҳимоячиси Перр Схюрс билан шахсий шартларни келишиб олди.

Манбага кўра, клублар ўртасидаги музокаралар ҳамон давом этмоқда. Жамоа раҳбарияти 22 ёшли футболчининг трансферини тахминан 9 миллион евро ва қўшимча бонуслар эвазига келишиб олиши мумкин. Ҳимоячининг ўзи Италия клубига ўтмоқчи.

Схюрс ўтган мавсумда "Аякс" сафида барча турнирлар доирасида 30 та ўйинда майдонга тушиб, 2 та голли узатмани амалга оширган. Нидерландиялик ҳимоячининг клуб билан шартномаси 2025 йилнинг 30 июнига қадар мўлжалланган.

2022/23 йилги мавсумда Схюрс "Аякс" таркибида иккита ўйин ўтказган. Transfermarkt портали футболчини 7 миллион еврога баҳоламоқда.