Angliya terma jamoasi va “Manchester Yunayted” klubining sobiq himoyachisi Gari Nevill APLning 2-tur doirasidagi "mankunianliklar"ning yirik hisobdagi mag‘lubiyati haqida o‘z fikrlari bilan o‘rtoqlashdi.
“Bu xuddi 9 yoshgacha bo‘lgan bolalarga qarshi o‘ynagan kattalar jamoasiga o‘xshardi. Bu o‘yin meni umuman ajablantirmadi. Ular “Old Trafford”dan tashqarida yaxshiroq o‘ynashiga umid qilgandim, ammo futbolchilar qo‘rqib ketishdi. Raqib zo‘r edi, ammo ularga "Manchester Yunayted" yordam berdi", - dedi Nevill.
Eslatib o‘tamiz, "Manchester Yunayted" "Brentford"ga 0:4 hisobida mag‘lub bo‘ldi va hozirda APLning turnir jadvalida so‘nggi o‘rinni egallab turibdi.