"Renn" hujumchisi Gaetan Labordega uchta klub qiziqish bildirmoqda.
Foot Mercato xabariga ko‘ra, 28 yoshli futbolchiga "Sevilya", "Nyukasl" va "Lill" klublari qiziqish bildirmoqda. Fransuz klubi futbolchini 25 million yevrodan ko‘proqqa sotishga tayyor.
Laborde 2021 yil avgustidan buyon “Renn” safida to‘p tepadi. Joriy mavsumda hujumchi jamoasi safida 2 ta o‘yin o‘tkazib, bitta gol urgan. Uning klub bilan shartnomasi 2025 yilning yoziga qadar mo‘ljallangan.
Transfermarkt portali futbolchining narxini 18 million yevroga baholamoqda.