"Ренн" ҳужумчиси Гаэтан Лабордега учта клуб қизиқиш билдирмоқда.
Foot Mercato хабарига кўра, 28 ёшли футболчига "Севилья", "Ньюкасл" ва "Лилль" клублари қизиқиш билдирмоқда. Француз клуби футболчини 25 миллион евродан кўпроққа сотишга тайёр.
Лаборде 2021 йил августидан буён “Ренн” сафида тўп тепади. Жорий мавсумда ҳужумчи жамоаси сафида 2 та ўйин ўтказиб, битта гол урган. Унинг клуб билан шартномаси 2025 йилнинг ёзига қадар мўлжалланган.
Transfermarkt портали футболчининг нархини 18 миллион еврога баҳоламоқда.