"PSJ" yarim himoyachisi Ander Errera yozda "Atletik"ga qaytishi mumkin. Bilbao klubi unga 2+1 ko‘rinishida shartnoma taklif qilmoqda, deb xabar beradi Sport.es.
Avvalroq parijliklarning yangi sport direktori Luish Kampush ispaniyalik futbolchini sotishni rejalashtirayotgani haqida xabar berilgandi.
Shuningdek, "PSJ" yarim himoyachi bilan shartnomani bekor qilishi ehtimoli bor.
32 yoshli Errera o‘tgan mavsumda barcha turnirlarda 28 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
2021/22 yilgi mavsum yakunida “PSJ” Fransiya chempioni bo‘ldi va mamlakat Superkubogini qo‘lga kiritdi.
Errera 2011 yildan 2014 yilgacha basklar safida o‘ynagan, shundan so‘ng u 36 million yevroga "Manchester Yunayted"ga sotilgan.
