"ПСЖ" ярим ҳимоячиси Андер Эррера ёзда "Атлетик"га қайтиши мумкин. Бильбао клуби унга 2+1 кўринишида шартнома таклиф қилмоқда, деб хабар беради Sport.es.
Аввалроқ парижликларнинг янги спорт директори Луиш Кампуш испаниялик футболчини сотишни режалаштираётгани ҳақида хабар берилганди.
Шунингдек, "ПСЖ" ярим ҳимоячи билан шартномани бекор қилиши эҳтимоли бор.
32 ёшли Эррера ўтган мавсумда барча турнирларда 28 та ўйинда майдонга тушиб, 4 та гол урди ва 2 та голли узатмани амалга оширди.
2021/22 йилги мавсум якунида “ПСЖ” Франция чемпиони бўлди ва мамлакат Суперкубогини қўлга киритди.
Эррера 2011 йилдан 2014 йилгача басклар сафида ўйнаган, шундан сўнг у 36 миллион еврога "Манчестер Юнайтед"га сотилган.
