Athletics nashri liganing oltita eng yirik klubi ma’lumotlarini tahlil qildi va ular futbolchilar uchun yiliga qancha maosh berishini hisoblab chiqishdi. Quyida Angliya Premyer ligasi vakillari yiliga futbolchilari uchun qancha pul berishlarini ko‘rib chiqamiz.
6. "Tottenxem"
205 million funt - bu klub hozirda barcha futbolchilarning maoshi uchun shuncha pul sarflaydi. O‘yin sifati va futbolchilar darajasini hisobga olganda, London klubidan o‘rnak olsa bo‘ladi. Bu mavsum klub kuchli 3likdan joy olish uchun jiddiy “bel bog‘lagan”. Keyn va Son kabi futbolchisi bor jamoa uchun maosh 200 million yevrodan oshishi normal holat. Konte va Tuxel jangi endi liga turnir jadvalida ham davom etdi.
5. “Arsenal”
"Arsenal" o‘zining Shimoliy Londondagi qo‘shnisidan maosh berishda o‘zib ketdi, hozirda 244 million funt sterling futbolchilarga tarqatilmoqda. Maosh oluvchilar ro‘yxatida Pepening borligi ham bu borada katta rol o‘ynaydi. U jamoadagi eng ko‘p maosh oluvchi futbolchilardan biriligi aniq. Har xolda “Arsenal” mavsum oradig‘ida nafaqat pul ishlatishda, balki o‘yinida ham katta progressga erishdi.
4. “Liverpul”
Mersisaydliklar 300 million funt sterlingdan ko‘proq maosh berishadi: Yurgen Klopp jamoasida futbolchilar 314 million funt sterling miqdorida maosh olishadi. Albatta jamoaning yuqori o‘rinlar uchun doimiy kurashda bo‘lishi va yulduzli tarkibi bilan solishtirganda nisbatan kamroq pul beriladi. Ammo jamoada hech qachon pul borasida norozilik bo‘lmagan.
3. "Manchester Yunayted"
"Manchester Yunayted" 323 million funt sterlingni maoshlarga ishlatishadi. Uning asosiy qismi 7-raqamli futbolchiga ketishini barcha bilsa kerak. Haliyam Pogba ketdi. Bo‘lmasa raqamlar yanada kattaroq bo‘lar edi. 323 million funt sterling APL “autsayder”i uchun katta pul!
2. “Chelsi”
Taxminan “qizil iblislar”ga qaraganda 20 million funt ko‘p maosh beradigan “Chelsi” 2-o‘rinda: klub maosh uchun 343 million funt sarflaydi. Kechagi “ishkal”dan keyin Tuxel yana bir nechta futbolchi xarid qilib qolsa ajabmas. Bu esa maoshlarga ketadigan pulni yanada ko‘paytiradi.
1. “Manchester Siti”
Pep Gvardiola jamoasi futbolchilarga eng ko‘p maosh to‘laydi, maoshga ketadigan pul esa 355 million funt sterlingdan oshadi. Shayxlarga pulni bunday ishlatish yarashaveradi.
