Athletics нашри лиганинг олтита энг йирик клуби маълумотларини таҳлил қилди ва улар футболчилар учун йилига қанча маош беришини ҳисоблаб чиқишди. Қуйида Англия Премьер лигаси вакиллари йилига футболчилари учун қанча пул беришларини кўриб чиқамиз.
6. "Тоттенхэм"
205 миллион фунт - бу клуб ҳозирда барча футболчиларнинг маоши учун шунча пул сарфлайди. Ўйин сифати ва футболчилар даражасини ҳисобга олганда, Лондон клубидан ўрнак олса бўлади. Бу мавсум клуб кучли 3ликдан жой олиш учун жиддий “бел боғлаган”. Кейн ва Сон каби футболчиси бор жамоа учун маош 200 миллион евродан ошиши нормал ҳолат. Конте ва Тухель жанги энди лига турнир жадвалида ҳам давом этди.
5. “Арсенал”
"Арсенал" ўзининг Шимолий Лондондаги қўшнисидан маош беришда ўзиб кетди, ҳозирда 244 миллион фунт стерлинг футболчиларга тарқатилмоқда. Маош олувчилар рўйхатида Пепенинг борлиги ҳам бу борада катта рол ўйнайди. У жамоадаги энг кўп маош олувчи футболчилардан бирилиги аниқ. Ҳар холда “Арсенал” мавсум орадиғида нафақат пул ишлатишда, балки ўйинида ҳам катта прогрессга эришди.
4. “Ливерпуль”
Мерсисайдликлар 300 миллион фунт стерлингдан кўпроқ маош беришади: Юрген Клопп жамоасида футболчилар 314 миллион фунт стерлинг миқдорида маош олишади. Албатта жамоанинг юқори ўринлар учун доимий курашда бўлиши ва юлдузли таркиби билан солиштирганда нисбатан камроқ пул берилади. Аммо жамоада ҳеч қачон пул борасида норозилик бўлмаган.
3. "Манчестер Юнайтед"
"Манчестер Юнайтед" 323 миллион фунт стерлингни маошларга ишлатишади. Унинг асосий қисми 7-рақамли футболчига кетишини барча билса керак. Ҳалиям Погба кетди. Бўлмаса рақамлар янада каттароқ бўлар эди. 323 миллион фунт стерлинг АПЛ “аутсайдер”и учун катта пул!
2. “Челси”
Тахминан “қизил иблислар”га қараганда 20 миллион фунт кўп маош берадиган “Челси” 2-ўринда: клуб маош учун 343 миллион фунт сарфлайди. Кечаги “ишкал”дан кейин Тухель яна бир нечта футболчи харид қилиб қолса ажабмас. Бу эса маошларга кетадиган пулни янада кўпайтиради.
1. “Манчестер Сити”
Пеп Гвардиола жамоаси футболчиларга энг кўп маош тўлайди, маошга кетадиган пул эса 355 миллион фунт стерлингдан ошади. Шайхларга пулни бундай ишлатиш ярашаверади.
