Myunxenning “Bavariya” klubi hujumchisi Jamol Musiala jamoaning 2022/2023-yilgi mavsum startidagi muvaffaqiyatli o‘yini haqida gapirdi.
“Hozircha yangi mavsum ajoyib o‘tmoqda. "Bavariya" ajoyib futbol namoyish etmoqda. O‘zimning faoliyatimga kelsak, men doim maydonda bor kuchimni beraman.
Bunday jamoaning bir qismi ekanligimdan xursandman. Ammo shuni ta’kidlashni istardimki, gol urish ham, gol o‘tkazib yubormaslik ham muhim", - deya hujumchining so‘zlaridan iqtibos keltiradi nemis grandi rasmiy saytida.
Eslatib o‘tamiz, Germaniya chempionatining ikkita boshlang‘ich turida Jamol uchta gol urgan edi.
