Turkiyaning Konya shahrida o‘tgan V Islom birdamligi o‘yinlari g‘oliblari 5 ming AQSH dollarigacha mukofotlanadi.

“Konya shahrida (Turkiya) bo‘lib o‘tgan V Islom birdamligi o‘yinlarida g‘olib va sovrindor bo‘lgan sportchilar hamda ularning trenerlarini bir martalik pul mukofotlari bilan rag‘batlantirish to‘g‘risida“gi Prezident qarori (PQ–355-son, 18.08.2022 y.) qabul qilindi.

Qaror bilan V Islom birdamligi o‘yinlarida g‘olib va sovrindor bo‘lgan sportchilar: 

️oltin medal uchun – 5 ming AQSH dollari;

️kumush medal uchun – 3 ming AQSH dollari;

️bronza medal uchun – 2 ming AQSH dollari;

Sportchilarni tayyorlagan trenerlar:

️oltin medal uchun – 2,5 ming AQSH dollari;

️kumush medal uchun – 1,5 ming AQSH dollari;

️bronza medal uchun – 1 ming AQSH dollari miqdorida har bir medal uchun bir martalik mablag‘lar bilan mukofotlanadi.