"Chelsi" Pyer-Emerik Obameyang bo‘yicha "Barselona"ga rasmiy taklif bilan chiqishga tayyor.
London klubi Kataloniya jamoasi ofisiga 19 million yevro va 5 million bonus taklifini yuboradi, deb xabar bermoqda Diario Sport Relevo nashriga tayanib.
Shu bilan birga, "Chelsi" va Obameyang shartnomaning shaxsiy shartlari bo‘yicha kelishuvga erishganligi qo‘shimcha qilingan.
Londonliklar bilan kelishuvga ko‘ra, gabonlik futbolchining maoshi "Barselona"dagi maoshidan deyarli ikki baravar ko‘payadi.
Obameyang o‘tgan qishda "Arsenal" bilan shartnomasini bekor qilgandan so‘ng "Barselona"ga o‘tgan edi. Ispaniyada esa 24 uchrashuvda 13 ta gol urgan.