"Челси" Пьер-Эмерик Обамеянг бўйича "Барселона"га расмий таклиф билан чиқишга тайёр.
Лондон клуби Каталония жамоаси офисига 19 миллион евро ва 5 миллион бонус таклифини юборади, деб хабар бермоқда Diario Sport Relevo нашрига таяниб.
Шу билан бирга, "Челси" ва Обамеянг шартноманинг шахсий шартлари бўйича келишувга эришганлиги қўшимча қилинган.
Лондонликлар билан келишувга кўра, габонлик футболчининг маоши "Барселона"даги маошидан деярли икки баравар кўпаяди.
Обамеянг ўтган қишда "Арсенал" билан шартномасини бекор қилгандан сўнг "Барселона"га ўтган эди. Испанияда эса 24 учрашувда 13 та гол урган.
