"Inter" himoyachisi Milan Shkrinyarning "PSJ"ga transferi amalga oshmaydi, deya xabar beradi jurnalist Fabrisio Romano.
Manbaga ko‘ra, 27 yoshli slovakiyalikning Parij jamoasiga o‘tishiga shaxsan "Inter" prezidenti Stiven Chjan to‘sqinlik qilgan. Endi milanliklar futbolchi bilan shartnomani 2027 yilning iyunigacha uzaytirishga tayyor.
Avvalroq "PSJ" Shkrinyar uchun 50 million yevro va bonuslar taklif qilgani xabar qilingandi.
2021/22-yilgi mavsumda Shkrinyar “Inter” safida 48 ta o‘yinda maydonga tushib, 4 ta gol urdi. Himoyachining klub bilan amaldagi shartnomasi 2023 yilning iyun oyi oxirigacha amal qiladi.