"Интер" ҳимоячиси Милан Шкриньярнинг "ПСЖ"га трансфери амалга ошмайди, дея хабар беради журналист Фабрицио Романо.
Манбага кўра, 27 ёшли словакияликнинг Париж жамоасига ўтишига шахсан "Интер" президенти Стивен Чжан тўсқинлик қилган. Энди миланликлар футболчи билан шартномани 2027 йилнинг июнигача узайтиришга тайёр.
Аввалроқ "ПСЖ" Шкриньяр учун 50 миллион евро ва бонуслар таклиф қилгани хабар қилинганди.
2021/22-йилги мавсумда Шкриньяр “Интер” сафида 48 та ўйинда майдонга тушиб, 4 та гол урди. Ҳимоячининг клуб билан амалдаги шартномаси 2023 йилнинг июнь ойи охиригача амал қилади.