"Manchester Yunayted"ning 37 yoshli portugaliyalik hujumchisi Krishtianu Ronaldu ijtimoiy tarmoqlarda jamoasining Angliya chempionati 3-turi doirasidagi "Liverpul" ustidan qozongan g‘alabasiga (2:1) bag‘ishlangan postni chop etdi.
"Yaxshi bajarilgan ish! Qo‘llab-quvvatlaganingiz uchun, "Old Trafford"ga kelgan barchaga rahmat", - degan Ronaldu.
Kechagi bahsda Krishtianu 86-daqiqada maydonga tushdi. "Manchester Yunayted" ushbu g‘alaba evaziga turnir jadvalida so‘nggi o‘rindan 14-pog‘onaga ko‘tarilishga muvaffaq bo‘ldi. Keyingi turda mankunianliklarning raqibi "Sautgempton" bo‘ladi, o‘yin 27 avgust, shanba kuni bo‘lib o‘tadi.
